رضينا بحكم اللهِ فينا و إنَّنا عبيد و حكم الله سيفٌ مُهنَّد وارينا الثرى يوم السبت في مقبرة المذرذرة والدتنا الحنونة المُحبة عيشه بنت امَّد بن أحمد بن الحمدْ كانت مثالا يحتذى في الندى و البشر قد كان لها ديـــــدنا لفقيدتنا علي دينٌ كثير ليس فقط لأنَّ أمها “امرابطتي” فمنها ...

    طبع مانـــــــــــرث لعليات *** يغير اطرات امنين امشات منت الخاله عيش بالذات *** اطلبــــــتك يالله اتغـــــمد بالرحمه يالل والثــــــبات *** اتغـــــــمد عيش منت امد

    يالله اطـــــــلبتك واندورك عيش منت امد ول الحمد ارحمـــھا. والرحمة شورك واعطــــــيھا نعيم ابلا حد

ياللهْ الرحــــــمة بعدْ الْعيشة مـــنت امدْ ول أحمد ول الحمدْ والغفران ؤولا راتْ شِ يالواحد الاحدْ ثقيل امنين امشاتْ ما كط ارفدهَ حدْ منهَ شَينة فلْفاتْ واعطــــيهَ فجنّ يلّ واحد فالذاتْ الْكانت تتـــــمنّ ؤبارك فلّ خلاتْ

بالمعروف اولحسان ** عيش شـــــور الديان امشات أو فين بانْ ** مشـــــــــيها كانت مدْ- -رَسَه نور الــــقرآن ** والسنَّه منــــــــــها بَدْ يغير اصَّ لِيــــــمان ** نعمَ يمـــــــــــول المَدْ افلــــمنات او لولاد ** اتبارك وِ اتغــــــــــــمَّد باسحاب الرحمه زاد ** عيش منتَ اهْل امَّد.

  اطلبت اللي مال شبيه الرحـــــــيم الواحد لحد عنو نعـــــــيم يغرظ فيه واجنان عيشه منت أمد والل خلات إيجود أعليه بالخير المايكـــــدر ينعد